Ripolleten (Bartzelona) Zipper® sistemako biribilgune bat bizkor eraikitzea.

PROIEKTUAREN IZENA: Biribilgune bat eraikitzea
HIRIA: Ripollet (Bartzelona) – Espainia
KOKAPENA: Industria Kalea
INAUGURAZIO-EGUNA: 2019ko maiatza

 

Kale batean zirkulazioa berrantolatzen den bakoitzean, Ziclaren irtenbideak aplikatzeko aukera bat sortzen da. Hauxe bera gertatu zen Ripolleten (Bartzelona) Sant Jaume kaleko ibilgailuen zirkulazioaren berrantolaketarekin, izan ere, noranzko bateko ibilgailuen zirkulazioa eten eta hauek Industria kalearen bitartez desbideratu zituzten. Gertaera honen ondorioz, azken kale honetako ibilgailuen fluxuak gora egin zuen eta honekin batera, baita trafikoa antolatzeko eta arautzeko neurriak hartzeko beharrak ere.

Proiektuaren beharra eta helburuak.

Proiektua justifikatu zuten oinarrizko beharretako bat Industria kaleko trafikoa antolatzeko eta arautzeko beharra izan zen, noranzko bateko ibilgailuen zirkulazioa eteteak eragindakoa.

Proposatutako irtenbidea.

Ripolleteko Udalak proposatu zuen irtenbidea biribilgune bat eraikitzea izan zen: 7,5 metroko diametroa izango du eta Ziclaren Zipper® sistemako 69 A modulurekin osatuko da. Eraikuntza oso erraza eta merkea izan zen, eta 69 moduluak instalatzeko lau ordu baino gutxiago behar izan zituzten.

Erabilitako Zipper® sistemaren ezaugarri nagusiak honakoak dira:

  1. Edozein galtzadara egokitzen da, batez ere, etorbideetan.
  2. Oso erraz ikusten da haien moduluetan gainazalaren ia % 50 islatzailea delako.
  3. Moduluak birziklatutako plastikoz egiten dira eta birziklagarriak dira, beraz, ingurumen aztarna oso txikia dute; diseinu ekologikoko produktua da.
  4. Kalearen ahalik eta espazio txikiena hartuz proiektua bizkor gauzatzea ahalbidetzen duelako da lehiakorra.
  5. Sistema honetako moduluek oso ongi jasaten dituzte talkak eta eguratsa, eta bide-zoruan ainguratzen dira lau puntutan.
  6. Pertsonalizatu egin daiteke, modulu bakoitza kolore ezberdinetan margotu baitaiteke.

Proiektuaren aparteko balioa.

Ez da obra zibilik behar izan eta, gainera, trafikoa beste era batera berrantolatuko balitz ere, biribilgunea erraz desmunta daiteke. Honek guztiak aparteko meritu bat ematen dio lanari.

 

info@zicla.com | T. +34 932 242 731. C/ Ramon Turró 100-104, 4º-3ª. 08005, Bartzelona.