Bloga.

Euskadik ekonomia zirkularrarekiko duen konpromisoa berritzen du 2030erako estrategia onartuz.

 Eusko Jaurlaritzak Euskadiko Ekonomia Zirkularrarerako Estrategia onartu du, 2030erako hiru eremu hauetan emaitza positiboak lortzeko asmotan:

  1. Euskal enpresek produktu zirkularretan duten fakturazioa handitzea

2016an ekonomia zirkularreko irizpideak aplikatu dituzten produktuek eta zerbitzuek sortutako fakturazioa 2.852 milioi eurokoa izan dela kalkulatu da (fakturazio osoaren %28). Bestalde, enpresek berek egindako aurreikuspenek ekodiseinatutako produktu edo zerbitzu mota hauen salmenten hazkuntza handia erakusten dute: 2020rako 7.250 milioi eurotara iritsiko direla eta 2030rako 10.000 milioi euroak gaindituko direla kalkulatzen delarik.

  1. Enplegu berriak

Gaur egun, Euskadiko industria-sektorean ekonomia zirkularraren jarduerekin lotura duten 18.463 enplegu daude. Negozio berrien garapenaren eta egungo enpresen lehiakortasunaren hobekuntzaren bidez, zifra hori handitzen jarraitzea ahalbidetuko da, 2030ean 3.000 enplegu berri lortu arte.

  1. CO2 baliokideen isurketak murriztea

Hondakinen kudeaketan espero diren aldaketekin, urtean ia milioi bat tona CO2 eq murriztea espero da eta horrek, gainerako estrategiei gehituta, %26ko murrizketa dakar.

Helburu estrategikoak.

Ekonomia Zirkularraren Estrategiak hiru helburu nagusi ezartzen ditu:

  • Produktibitate materiala %30 areagotzea.
  • Material zirkularraren erabilera-tasa %30 areagotzea.
  • BPGaren unitate bakoitzeko hondakinen sorrera-tasa% 30 murriztea.

 

Laguntza-tresnak.

Emaitzak lortzeko, eta hiru helburu estrategikoekin bat etorriz, Euskadiko Ekonomia Zirkularrerako Estrategia 4 eremuren inguruko 10 jarduketa-ildotan zabaltzen da. Horiek guztiak datozen 5 urteotarako ekintza-plan berezi batean sartzen dira. Ekintza-plan horrekin batera, administrazioak zenbait tresna jarriko ditu abian, eta haiek honako hauekin dute zerikusia:

  • Legeria berria,
  • I+G+b jardueran inbertitzeko laguntzak,
  • Kenkari fiskalak,
  • Bigarren mailako materialen erabilera errazteko estandar teknikoak eta metodologiak,
  • Ezagutzaren transferentzia.

 

Iruzkin bat utz ezazu.

Zure e-posta helbidea ez da argitaratuko. Beharrezko eremuak * markatuta daude

info@zicla.com | T. +34 932 242 731. C/ Ramon Turró 100-104, 4º-3ª. 08005, Bartzelona.